Fréttir

Nýir stjórnarmenn í stjórn Umhyggju

Á aðalfundi Umhyggju þriðjudaginn 11. maí síðastliðinn tóku sæti í stjórn Umhyggju tveir nýir stjórnarmenn, þær Harpa Júlíusdóttir sem kemur inn sem foreldri og Chien Tai Shill sem kemur inn sem fagmaður.

KVAN námskeið fyrir 7-9 ára systkini fer af stað í haust

Í ágúst mun Umhyggja í samstarfi við KVAN bjóða upp á námskeið fyrir 7-9 ára systkini langveikra barna. Þetta er í fyrsta skipti sem námskeið stendur þessum aldurshópi til boða, en Umhyggja hefur undanfarin ár boðið upp á námskeið fyrir 10-12 ára og 13-15 ára langveik börn og systkini. Námskeiðið er 8 skipti, 2 klst í senn og hefst 19.ágúst. Námskeiðið er að mestu niðurgreitt af Umhyggju, en Búið er að opna fyrir skráningar.

Minnum á aðalfund Umhyggju 11. maí kl.17:00

Við minnum á aðalfund Umhyggju sem haldinn verður þriðjudaginn 11. maí kl.17:00 á Háaleitisbraut 13, 4. hæð. Nauðsynlegt er að skrá sig á fundinn en einnig geta skuldlausir félagsmenn fylgst með fundinum í streymi í gegnum netið.

Sumargjöf frá Umhyggju

Við hjá Umhyggju óskum ykkur gleðilegs sumars og færum ykkur í tilefni þess fallega sumargjöf. Markmiðið með sumargjöfinni er að gleðja börn og auka skilning á aðstæðum langveikra barna. Lag og texta Sólarlags Umhyggju samdi Ólafur Haukur Símonarson, útsetning og upptökustjórn var í höndum Jóns Ólafssonar en Kristján Kristjánsson (KK) syngur lagið ásamt barnakór. Sögugerð annaðist Sólveig Jónsdóttir.

Aðalfundur Umhyggju 11. maí kl.17:00

Aðalfundur Umhyggju – félags langveikra barna verður haldinn 11. maí næstkomandi, kl.17.00, í húsnæði Umhyggju, Háaleitisbraut 13, 4.hæð. Óskað er eftir því að þeir félagsmenn sem hyggjast sitja fundinn skrái sig á vefsíðu Umhyggju, https://www.umhyggja.is/is/skraning-a-adalfund svo hægt sé að áætla fjölda og gera viðeigandi ráðstafanir vegna kosninga verði aðsókn mikil. Fjöldatakmarkanir og fyrirkomulag kosninga verður tilkynnt á vefsíðu Umhyggju, www.umhyggja.is, þegar nær dregur og ljóst er hverjar gildandi reglur um samkomutakmarkanir verða. Fundinum verður streymt en athugið að ekki er hægt að greiða atkvæði nema mæta á staðinn.

Gleðilega páska

Við hjá Umhyggju óskum ykkur gleðilegra páska. Skrifstofan opnar aftur þriðjudaginn 6. apríl.

Lagðir af stað með Umhyggju á Everest

Þá er stóri dagurinn runninn upp, þeir Siggi og Heimir eru lagðir af stað til Nepal þar sem þeir hyggjast klífa Everest til styrktar Umhyggju. Við erum ekki lítið stolt af þeim og hvetjum ykkur öll til að fylgjast vel með þeim inni á instagram @umhyggja.is og á facebook á síðunni Með Umhyggju á Everest.

Umsóknarfrestur um sumardvöl í orlofshúsum rennur út mánudaginn 15. mars

Við minnum á að umsóknarfrestur vegna sumarúthlutunar í orlofshúsum Umhyggju í Brekkuskógi og Vaðlaborgum rennur út mánudaginn 15. mars.

KVAN námskeið fyrir systkini langveikra barna 10-12 ára fer af stað 7. apríl

Þann 7. apríl fer af stað sjálfstyrkingarnámskeið Umhyggju og KVAN sem ætlað er 10-12 ára systkinum langveikra barna. Námskeiðið stendur yfir í 8 vikur og þar sem Umhyggja niðurgreiðir kostnaðinn að stærstum hluta er gjaldið einungis kr.7500.

Áskorun til heilbrigðisyfirvalda vegna Covid-19 bólusetningar foreldra langveikra barna

Umhyggja sendi rétt í þessu, í samstarfi við fjölda annarra félaga sem hafa með hagsmuni langveikra barna að gera, frá sér áskorun til heilbrigðisyfirvalda þess efnis að foreldrar langveikra barna með miklar stuðningsþarfir fái forgang í Covid-19 bólusetningu.