Fréttir

Í dag, fimmtudaginn 29. desember, fengum við hjá Umhyggju heimsókn frá góðum gestum. Það voru þeir Pétur Halldórsson yfirmeistari og Þór Þráinsson undirmeistari Oddfellow st. nr. 9 Þormóðs goða sem færðu félaginu 200.000 króna gjöf til góðra verka.

Við hjá Umhyggju óskum ykkur gleðilegrar hátíðar! Skrifstofan opnar á ný þriðjudaginn 3. janúar.

Í lok nóvember sendi Umhyggja frá sér árlega áskorun til Félgas- og vinnumarkaðsráðuneytisins hvað varðra desemberuppbót til foreldra langveikra og alvarlega fatlaðra barna sem þiggja foreldragreiðslur. Í gær bárust okkur þær góðu fréttir að desemberuppbót til þessa hóps hafi verið tryggð fyrir árið 2022 með reglugerð nr. 1421/2022 og hefur Tryggingastofnun greitt hana til foreldra.

Þá er Umhyggjublað ársins 2022 komið út og er það aðgengilegt öllum hér á netinu.

Í dag, föstudaginn 9. desember, fengum við hjá Umhyggju heimsókn frá góðum gestum, þeim Valgerði Solveigu Pálsdóttur og Aðalheiði Svanhildardóttur sem sitja í stjórn Bowentæknifélags Íslands. Þær færðu félaginu 100.000 króna gjöf sem er afrakstur söfnunar í tengslum við Reykjavíkurmaraþon Íslandsbanka í sumar.

Helgina 3.- 4. desember næstkomandi stendur Umhyggja fyrir framhaldsnámskeiði Systkinasmiðjunnar í Reykjavík fyrir þá krakka sem hafa áður komið í Systkinasmiðjuna. Hópurinn hittist á Háaleitisbraut 13 frá kl. 10-12 laugardaginn 3. desember og sunnudaginn 4. desember.

Frá og með deginum í dag mun heimavöllur Stjörnunnar í iþróttahúsinu við Ásgarð heita Umhyggjuhöllin í kjölfar framsýns og fordæmisgefandi samnings milli byggingafyrirtækisins E. Sigurðsson og körfuknattleiksdeildar Stjörnunnar.

Við kynnum með stolti nýtt merki Umhyggju, opið hjarta sem um leið er umvefjandi faðmur. Hjartað táknar ást og umhyggju og opni faðmurinn táknar starfið sem Umhyggja vinnur.

Styrktar- og líknarsjóður Oddfellowa hefur í áraraðir útbúið og selt jólakort og nýtt ágóðann til góðra verka. Í ár renna allar tekjur StLO við sölu kortanna til Umhyggju. Hægt er að panta kort og merkispjöld á vefsíðu Umhyggju og sækja þau á Háaleitisbraut 13 eða fá þau heimsend.

Helgina 26. - 27. nóvember mun Umhyggja í samstarfi við Systkinasmiðjuna standa fyrir grunnnámskeiði fyrir systkini langveikra barna á aldrinum 8 til 14 ára á Egilsstöðum.