Umhyggja er félag sem vinnur að bættum hag langveikra barna og fjölskyldna þeirra. Í félaginu starfa foreldrar langveikra barna og fagfólk innan heilbrigðiskerfisins.
Umhyggja er sprottin frá norræna félaginu Nordisk förening for syke barns behove, NOBAB. Íslandsdeild norrænu samtakanna var stofnuð í maí 1980, en nokkrum árum síðar var nafninu breytt í Umhyggja. Upphaflegir stofnendur Umhyggju voru fagfólk á barnadeildum Landspítala og Landakotsspítala og var félaginu ætlað að bæta hag barna á sjúkrahúsum og standa vörð um félagsleg réttindi langveikra barna. Smám saman þróaðist starfsemin og æ fleiri foreldrar gengu í félagið. Stærsta breytingin varð í febrúar 1996 þegar átta foreldrafélög gengu í Umhyggju, en í dag eru aðildarfélögin orðin 18 talsins.
Hjá Umhyggju starfa Ragna K. Marinósdóttir framkvæmdastjóri, Árný Ingvarsdóttir aðstoðarframkvæmdastjóri, Berglind Jóna Jensdóttir sálfræðingur og Kristbjörg Þórisdóttir sálfræðingur.
Reikningsnúmer Umhyggju: 0101-15-371646
Kennitala Umhyggju: 691086-1199