Fréttir

Nú hefur verið opnað fyrir umsóknir um orlofshús Umhyggju í Brekkuskógi og Vaðlaborgum í sumar. Um er að ræða tímabilið 27.maí til 2.september og eru húsin leigð út í viku í senn, frá föstudegi til föstudags. Umsóknarfrestur er til 15. mars og verða umsóknirnar teknar fyrir að þeim tíma loknum.

Barnaspítali Hringsins uppfærði nýlega leiðbeiningar vegna langveikra barna sem tilheyra viðkvæmum hópum, tengt afléttingum sóttvarnaraðgerða.

Vegna samkomutakmarkana tengt Covid-19 verður skrifstofa Umhyggju lokuð fyrir almennar heimsóknir til 2. febrúar. Berglind sálfræðingur Umhyggju mun þó veita viðtöl á skrifstofu félagsins og öll önnur þjónusta mun fara óskert fram í gegnum síma og tölvupóst. Við hvetjum ykkur því til að hafa samband ef eitthvað er.

Nú hefur verið opnað fyrir umsóknir um dvöl í orlofshúsum Umhyggju um páskana 2022. Tímabilin eru tvö, annars vegar frá 8.-13. apríl og hins vegar frá 13.-18. apríl. Umsóknarfrestur er til 15. janúar og verða umsóknir yfirfarnar eftir þann tíma.

Við hjá Umhyggju óskum ykkur öllum gleðilegra jóla með von um gæfuríkt komandi ár. Við þökkum jafnframt samstarfið, stuðninginn og samskipti á árinu sem er að líða.

Í dag fengum við ánægjulega heimsókn frá slökkviliðismönnum sem færðu Umhyggju tvo dásamlega hægindastóla í jólagjöf sem munu fara í orlofshús Umhyggju í Brekkuskógi og Vaðlborgum. Um er að ræða hluta ágóða af sölu hins margrómaða dagatals slökkviliðsmanna sem er liður í fjármögnun vegna ferðar þeirra á heimsleika slökkviliðismanna.

Í dag komu starfsmenn frá Elko færandi hendi með þrjár Nintendo Switch leikjatölvur, auk aukahluta og fjölskylduvænna leikja. Mun þetta framvegis gleðja unga sem aldna gesti orlofshúsa Umhyggju í Brekkuskógi og Vaðlaborgum, sem og í íbúð félagsins í Kuggavogi.

Þá er Umhyggjublað ársins 2021 komið út og er það aðgengilegt öllum hér á netinu.

Fyrr í mánuðinum sendi Umhyggja frá sér áskorun til félagsmálaráðherra þess efnis að foreldrar langveikra og fatlaðra barna sem þiggja foreldragreiðslur fengju desemberuppbót. Þetta er fimmta árið í röð sem félagið sendir slíka áskorun frá sér og hafa þær allar borið árangur.

Umhyggja sendi um helgina frá sér áskorun þar sem skorað er á stjórnvöld að tryggja foreldrum langveikra og fatlaðra barna sem eru á foreldragreiðslum desemberuppbót. Umhyggja hefur undanfarin fjögur ár sent frá sér sambærilega áskorun og hefur hún borið árangur í öll skiptin. Það er því von okkar að svo verði einnig nú og að sama skapi að tryggt verði að desemberuppbót til þessa hóps verði í framtíðinni regla frekar en undantekning.