Fréttir

Sunnudaginn 30.ágúst síðastliðinn var Umhyggjudagurinn haldinn hátíðlegur í þriðja sinn. Hátíðahöldin fóru fram í Fjölskyldu- og húsdýragarðinum og tóku mörg hundruð manns þátt í deginum. Allar fjölskyldur voru boðnar velkomnar og fengu allir sem skráðu sig til leiks frítt inn í garðinn á milli 12 og 16, auk þess sem boðið var upp á ís og börnin fengu buff og tattú.

Skrifstofa Umhyggju er lokuð mánudaginn 31.08.

Verið öll hjartanlega velkomin á Umhyggjudaginn þann 30. ágúst milli klukkan 12 og 16 í Fjölskyldu- og húsdýragarðinum! Frítt verður í garðinn fyrir þá sem skrá sig og ís í boði meðan birgðir endast. Einnig munu félagar úr Team Rynkebyliðinu vera á svæðinu með hjólin sín og kynna verkefnið.

Nú styttist heldur betur í Reykjavíkurmaraþonið en það fer fram næstkomandi laugardag,  22. ágúst. Fimmtudaginn 20. ágúst milli kl. 11-14 er öllum hlaupurum sem hlaupa fyrir Umhyggju velkomið að koma á skrifstofu félagsins í Mannréttindahúsinu, Sigtúni 42, að sækja hlaupabol og buff merkt félaginu. Þeir sem ekki komast á þeim tíma eru beðnir um að hafa samband við okkur í tölvupósti á umhyggja@umhyggja.is eða í síma 552-4242 og við mælum okkur mót.

Frá árinu 2022 hefur íslenska Team Rynkeby liðið hjólað til styrktar Umhyggju félagi langveikra barna. Það er stórkostlegt að fylgjast með Team Rynkeby liðinu á Íslandi leggja af stað ár hvert eftir heilan vetur af æfingum, en þau fljúga frá Íslandi til Danmerkur og hjóla þaðan til Parísar, um 1.300 kílómetrar á 8 dögum.

Skrifstofa Umhyggju verður lokuð vegna sumarleyfa frá 6. júlí til 10. ágúst. Eftir sumarleyfi opnum við skrifstofuna á nýjum stað, á 2. hæð í Mannréttindahúsinu, Sigtúni 42, 105 Reykjavík. Þar verður félagið í góðum félagsskap fjölda annarra hagsmunafélaga sem láta sig mannréttindi varða.

Góðgerðarverkefnið Gleðjum saman er dýrmætt verkefni sem snýst um að gefa og afhenda áritaðar treyjur frá íþróttafólki til einstaklinga sem hafa gengið í gegnum erfiða tíma, glíma við fötlun/sjúkdóma eða veikinda eða eru svokallaðar hvunndagshetjur.

Þriðjudaginn 9. júní heimsóttum við hjá Umhyggju Grunnskólann í Þorlákshöfn og veittum viðtöku styrk að upphæð 250.000 krónur. Styrkurinn er ágóði af Þemadögum Þorpsins sem haldnir voru í skólanum fyrr á þessu skólaári.

Þjóðleikhúsið býður fjölskyldum langveikra og fatlaðra barna sem eru í Umhyggju eða aðildarfélögum upp á miða á stórskemmtilegu leiksýninguna um Línu Langsokk!

Aðalfundur Umhyggju – félags langveikra barna verður haldinn fimmtudaginn 12. júní næstkomandi kl. 12:15, í Mannréttindahúsinu, Sigtúni 42, 105 Reykjavík.