Fréttir

Félagar úr stúku nr. 7 Þorkeli mána I.O.O.F. komu í vikunni færandi hendi með 400.000 króna styrk. Umhyggja þakkar þeim af öllu hjarta enda kemur styrkur sem þessi sér afskaplega vel nú í jólamánuðinum.

Í dag, miðvikudaginn 18. desember, komu þau Auður og Eyþór starfsmenn Elko með sannkallaðan jólaglaðning til Umhyggju, en fyrirtækið gaf félaginu fjölda heimilistækja til notkunar í nýrri íbúð Umhyggju í tilefni jólanna.

Margrét Kolbrún Jónsdóttir meistaranemi í sérkennslufræðum óskar eftir viðmælendum í rannsókn þar sem skoða á reynslu foreldra langveikra barna á sjúkrakennslu frá grunnskólum barnanna. Hér að neðan eru frekari upplýsingar, en þeir foreldrar sem hafa áhuga eru hvattir til að hafa samband við Margréti.

Sporthúsið í Kópavogi og Reykjanesbæ hélt nýverið styrktarsöfnun fyrir Umhyggju og söfnuðust 515.000 krónur. Um var að ræða eins mánaðar lífsstílsáskorun í formi liðakeppni þar sem lið söfnuðu stigum með því að sofa vel, borða hreint og hollt fæði og sinna æfingum.

Að gefnu tilefni vill Umhyggja – félag langveikra barna vekja athygli á því að styrkir til félagsins sem óskað er eftir gegnum síma eru tvenns konar: 1) fólk beðið um að styrka í eitt skipti að upphæð kr.3900 og sendur er greiðsluseðill og 2) mánaðarlegir styrkir með upphæð að eigin vali, hafi fólk gerst Umhyggjusamur einstaklingur, sem dregnir eru af greiðslukorti eða greiddir með beingreiðslu.

Þann 20. júní síðastliðinn var samningi SÍ við Heilsueflingarmiðstöðina um heimahjúkrun barna á höfuðborgarsvæðinu sagt upp frá og með 1.desember. Engin svör bárust um hver tæki við framkvæmd þjónustunnar þar til 23.október síðastliðinn en þá var foreldrum barna sem þiggja heimahjúkrun tjáð að SÍ hefði ákveðið að ganga til samninga við Reykjavíkurborg. Umhyggja lýsir yfir og undirstrikar þungar áhyggjur sínar af málinu þar sem stuttur tími er til stefnu og ítrekar mikilvægi þess að þjónusturof eigi sér ekki stað við þennan viðkvæma hóp. Um er að ræða flókna og gríðarlega sérhæfða þjónustu sem ekki er á færi margra að veita og því brýnt að farsæl lending náist.

Umhyggja býður langveikum börnum í aðildarfélögum Umhyggju upp á KVAN sjálfstyrkingarnámskeið nú í vetur og munum við byrja á námskeiði fyrir 10 - 12 ára (5. - 7. bekkur). Farið verður af stað með fyrsta námskeiðið 16. nóvember, en kennt verður á laugardögum milli 10 og 12 í húsnæði KVAN í Kópavogi. Námskeiðið er 8 skipti og hámarksfjöldi eru 15 börn.

Umhyggja auglýsir eftir sálfræðingi í 50-100% starfshlutfall.

Skrifstofa Umhyggju verður lokuð 7. og 8. október. Hægt er að senda fyrirspurnir á info@umhyggja.is og verður þeim svarað við fyrsta tækifæri.

Við vekjum athygli á því að umsóknarfrestur vegna orlofshúss um jól 2019 rennur út 1. október næstkomandi og eru umsóknir teknar til meðferðar eftir þann tíma. Leiga um jól skiptist í tvö tímabil til að sem flestir fái notið, frá 23.-28.desember annars vegar og 28.desember-2.janúar hins vegar.