Fréttir

Þann 28.febrúar næstkomandi standa Einstök börn og Greiningar- og rágjafarstöð ríkisins fyrir málþingi í tilefni af Degi sjaldgæfra sjúkdóma. Endilega kynnið ykkur málið, öllum opið og aðgangur ókeypis.

Nú er opið fyrir umsóknir vegna sumarúthlutunar í orlofshúsum Umhyggju en umsóknarfrestur rennur út 15. mars. Umsóknir verða teknar til meðferðar eftir að umsóknarfresturinn rennur út en tilkynnt verður um úthlutun fyrir 10. apríl.

Laugardaginn 11. janúar gengu þau Smári Helgason og Hjördís Björk Garðarsdóttir í hjónaband. Þau afþökkuðu allar gjafir en buðu gestum þess í stað að leggja í sjóð til styrktar Umhyggju. Í dag færðu þau síðan Umhyggju kr.500.000. Við þökkum brúðhjónunum innilega fyrir þetta frábæra framlag og óskum þeim hjartanlega til hamingju með hvort annað!

Stuðnings- og ráðgjafarteymi langveikra barna með sjaldgæfa sjúkdóma tekur nú á móti fyrirspurnum og/eða umsóknum um þjónustu. Teymið tók til starfa undir lok árs 2019 en til þess var stofnað með fjárveitingu frá heilbrigðisráðuneytinu til að hlúa betur að þessum börnum og fjölskyldum þeirra.

Skrifstofa Umhyggju er lokuð mánudaginn 13. janúar vegna veikinda starfsmanna. Vinsamlegast sendið póst á netfangið info@umhyggja.is og verður erindinu svarað eins fljótt og auðið er.

Nú hafa tveir nýir sálfræðingar verið ráðnir til starfa hjá Umhyggju, annars vegar Kristbjörg Þórisdóttir sálfræðingur sem verður hjá okkur tímabundið og hefur störf 9. janúar og hins vegar Berglind Jóna Jensdóttir sálfræðingur sem hefur störf 2. mars.

Nú er opið fyrir umsóknir vegna páskaúthlutunar en umsóknarfrestur rennur út 15. janúar. Samkvæmt úthlutunarreglum um páska er tímabilinu skipt í tvennt, annars vegar frá 3. - 8. apríl (föstudegi fyrir dymbilviku fram að miðvikudegi í dymbilviku) og hins vegar 8. - 13. apríl (miðvikudegi í dymbilviku fram á annan í páskum).

Við hjá Umhyggju óskum ykkur öllum gleðilegra jóla með von um gæfuríkt komandi ár. Við þökkum jafnframt samstarfið og samskipti á árinu sem er að líða. Skrifstofa Umhyggju verður lokuð frá Þorláksmessu og fram yfir áramótin, en við opnum aftur föstudaginn 3. janúar.

Í dag, föstudaginn 20. desember, komu starfsmenn Líflands færandi hendi með 350.000 króna styrk hingað á skrifstofu Umhyggju. Við erum alsæl og þakklát fyrir stuðninginn og að hugsað sé til okkar í aðdraganda jólahátíðarinnar.

Í dag fengum við þær gleðifréttir að Mjólkurfræðingafélag Íslands hyggðist styrkja Umhyggju um 120.000 krónur í tilefni jólanna. Við sendum þeim kærar þakkir og jólakveðjur!