Fréttir allt

Eingreiðsla vegna aukinnar umönnunar í Covid-19: umsóknarfrestur til 31. desember

Við minnum framfærendur barna sem voru með gilt umönnunarmat á tímabilinu 16. mars til 4. maí að enn er hægt að sækja um viðbótargreiðslu vegna COVID -19. Um er að ræða eingreiðslu vegna aukinnar umönnunar barns sem skapast hefur vegna COVID-19 faraldurs. Upphæð eingreiðslunnar er kr. 48.108.

Áskorun frá Umhyggju vegna desemberuppbótar til þeirra sem þiggja foreldragreiðslur

Umhyggja sendi í dag, mánudaginn 16. nóvember, frá sér áskorun þar sem skorað er á stjórnvöld að tryggja foreldrum langveikra og fatlaðra barna sem eru á foreldragreiðslum desemberuppbót. Umhyggja hefur undanfarin þrjú ár sent frá sér sambærilega áskorun og hefur hún borið árangur í öll skiptin. Það er því von okkar að svo verði einnig nú og að sama skapi að tryggt verði að desemberuppbót til þessa hóps verði í framtíðinni regla frekar en undantekning.

Umhyggja styrkt um 100.000 krónur

Í gær, mánudaginn 9. nóvember barst okkur hjá Umhyggju styrkur að upphæð kr.100.000. Það var hún Ólöf Hallsdóttir, margra barna móðir, amma og langamma sem færði okkur þessa gjöf en um er að ræða ágóða af hjörtum með uppörvandi skilaboðum sem hún saumaði og seldi. Við þökkum Ólöfu hjartanlega fyrir þetta frábæra framtak!

Lokað fyrir komur á skrifstofu Umhyggju - þjónusta óskert að öðru leyti

Vegna hertra samkomutakmarkana hefur Umhyggja ákveðið að loka fyrir komur á skrifstofu félagsins Háaleitisbraut 13 frá og með 5. október. til og með 10. nóvember. Þjónusta verður óskert en mun fara fram í gegnum síma, tölvupóst og fjarfundarbúnað. Áfram verður boðið upp á sálfræðiþjónustu í gegnum viðurkenndan fjarfundarbúnað.

Umsóknarfrestur vegna orlofshúsa um jól og áramót er til 1. október

Umsóknarfrestur til að sækja um orlofshús Umhyggju í Vaðlaborgum og Brekkuskógi yfir jól eða áramót rennur út 1. október næstkomandi. Um er að ræða tvö tímabil, annars vegar 23.-28. desember, og hins vegar 28. desember - 2. janúar.

Skrifstofa Umhyggju lokuð mánudaginn 14. september

Skrifstofa Umhyggju verður lokuð mánudaginn 14. september.

Takk fyrir sumarið í orlofshúsum Umhyggju

Þá eru sumardvalir félagsmanna í orlofshúsum Umhyggju í Brekkuskógi og Vaðlaborgum senn á enda. Um leið og við þökkkum gestum sumarsins fyrir komuna minnum við félagmenn á að hægt er að bóka dvöl í orlofshúsunum yfir veturinn inni á vefsíðu Umhyggju.

Hlauptu til góðs, þína eigin leið

Áheitasöfnun í tengslum við Reykjavíkurmaraþon Íslandsbanka hefur undanfarin ár verið ein helsta tekjulind margra af aðildarfélögum Umhyggju og skiptir hún sköpum í þeirra starfi. Í ár hefur maraþonið því miður verið blásið af vegna COVID-19, en í staðinn hvetjum við hlauparana til að hlaupa sína eigin leið þann 22. ágúst og ykkur hin til að heita á þá og láta í leiðinni gott af ykkur leiða. Lista yfir aðildarfélögin má sjá hér á vefsíðunni og hægt er að skrá sig til leiks á www.rmi.is. Við treystum á ykkur gott fólk, koma svo!

Sumarlokun hjá Umhyggju 6. júlí til 4. ágúst

Skrifstofa Umhyggju verður lokuð frá 6. júlí til 4. ágúst. Hægt er að senda póst á netfangið info@umhyggja.is og verður honum svarað um leið og við opnum aftur þann 4. ágúst.

Umhyggja styrkt í tilefni afmælis

Í dag, miðvikudaginn 1. júlí, kom Arnaldur Loftsson færandi hendi á skrifstofu Umhyggju. Arnaldur átti fimmtugsafmæli á dögunum og ákvað að afþakka gjafir en nota frekar tækifærið til að láta láta gott af sér leiða. Arnaldur á sjálfur dóttur sem var langveik en hefur náð bata og er því hlýtt til félagsins. Alls söfnuðust 200.000 krónur í afmælinu. Við hjá Umhyggju erum hrærð og þakklát yfir þessu frábæra framtaki og viljum ásamt Arnaldi koma á framfæri þakklæti til afmælisgestanna fyrir stuðninginn við félagið.