Fréttir allt

Aðalfundur Umhyggju – félags langveikra barna verður haldinn fimmtudaginn 12. júní næstkomandi kl. 12:15, í Mannréttindahúsinu, Sigtúni 42, 105 Reykjavík.

Á dögunum kíktum við hjá Umhyggju í heimsókn á leikstofu Barnaspítala Hringsins og afhentum krökkunum Hetjuteppi og skemmtilegar fígúrur frá versluninni Okashi. Innilegar þakkir til Íslenska bútasaumsfélagsins fyrir yndislega falleg hetjuteppi og til Okashi fyrir að gleðja börnin með fígúrunum sínum.

Viðvera á skrifstofu Umhyggju verður takmörkuð á komandi vikum vegna flutninga, en í júní munum við opna á nýjum stað. Við hvetjum því alla til að heyra í okkur annað hvort símleiðis í síma 5524242 eða í gegnum tölvupóst á umhyggja@umhyggja.is. Þannig getum við mælt okkur mót ef hentar eða veitt ráðgjöf og þjónustu með aðstoð tækninnar. Við hlökkum svo til að taka á móti ykkur aftur á nýjum stað!

Skrifstofa Umhyggju verður lokuð í dymbilvikunni vegna páskaleyfis. Við opnum á ný þriðjudaginn 7. apríl og verður öllum fyrirspurnum svarað þá. Gleðilega páska!

Spennandi samstarf Okashi og Umhyggju. Í hverjum mánuði er valin ein vörulína hjá Okashi þar sem 5–10% af sölu rennur til Umhyggju.

Tölvupóstur Umhyggju hefur legið niðri í morgun og því hefur hvorki verið hægt að senda né fá frá okkur tölvupóst. Unnið er að viðgerðum og vonumst við til þess að póstkerfið komist í lag á næstu klukkustundum.

Team Rynkeby er einstakt hjólalið sem hjólar frá Danmörku til Parísar á 7 dögum og safnar styrkjum fyrir Umhyggju.

Nú hefur verið opnað fyrir umsóknir um orlofshús Umhyggju í Brekkuskógi og Vaðlaborgum í sumar. Um er að ræða tímabilið 29. maí til 28. ágúst og eru húsin leigð út í viku í senn, frá föstudegi til föstudags.

Ertu foreldri langveiks barns með miklar stuðningsþarfir? Þarftu að komast í „hvíldarinnlögn“? Foreldrar langveikra barna geta nú aftur fram á vor 2026 sótt um 2ja nátta gistingu í vel útbúinni og uppábúinni íbúð í Borgarnesi sér að kostnaðarlausu. Um er að ræða einstakt framlag velunnara félagsins til foreldra langveikra barna innan Umhyggju og aðildarfélaga og fer umsóknarferlið í gegnum skrifstofu Umhyggju. Dvölin er eingöngu ætluð til hvíldar fyrir foreldra og því ekki gert ráð fyrir að börn komi með.

Athugið: Umsóknarfrestur er liðinn. Nú hefur verið opnað fyrir umsóknir um orlofshús Umhyggju í Brekkuskógi og Vaðlaborgum um páskana. Úthlutunartímabilið skiptist í tvennt, annars vegar frá 27. mars til 1. apríl (föstudegi fyrir Pálmasunnudag til miðvikudags í Dymbilviku) og hins vegar 1. apríl til 6. apríl (miðvikudegi í Dymbilviku til annars í páskum). Umsóknarfrestur er til 15. janúar og niðurstöður úthlutunar munu liggja fyrir í kringum 10. febrúar.