Nemendur í 7. bekk í Árbæjarskóla styrkja Umhyggju

Í vetur hafa nemendur 7. bekkjar í Árbæjarskóla skapað allskyns verk í fjöbreyttum smiðjum. Í staðinn fyrir að taka þau heim voru verkin seld og safnað í sjóð til að styrkja Umhyggju. Það safnaðist veglegur sjóður og á síðasta skóladegi annarinnar afhentu þau Umhyggju kr. 102.700.

Þau voru ekki í vafa þegar þau voru spurð að því af hverju þeim fannst mikilvægt að styrkja við börnin okkar í Umhyggju: ,,Okkur finnst mikilvægt að öll börn geti verið glöð og hamingjusöm”.