Umhyggja

Flutningar framundan

Tue, 07 Apr 2026 15:26:00 +0000

Viðvera á skrifstofu Umhyggju verður takmörkuð á komandi vikum vegna flutninga, en í júní munum við opna á nýjum stað. Við hvetjum því alla til að heyra í okkur annað hvort símleiðis í síma 5524242 eða í gegnum tölvupóst á umhyggja@umhyggja.is. Þannig getum við mælt okkur mót ef hentar eða veitt ráðgjöf og þjónustu með aðstoð tækninnar. Við hlökkum svo til að taka á móti ykkur aftur á nýjum stað!

Gleðilega páska!

Sun, 29 Mar 2026 23:56:00 +0000

Skrifstofa Umhyggju verður lokuð í dymbilvikunni vegna páskaleyfis. Við opnum á ný þriðjudaginn 7. apríl og verður öllum fyrirspurnum svarað þá. Gleðilega páska!

Gleði sem gefur áfram

Mon, 23 Mar 2026 15:07:00 +0000

Spennandi samstarf Okashi og Umhyggju. Í hverjum mánuði er valin ein vörulína hjá Okashi þar sem 5–10% af sölu rennur til Umhyggju.

Tölvupóstur liggur niðri

Mon, 16 Mar 2026 10:53:00 +0000

Tölvupóstur Umhyggju hefur legið niðri í morgun og því hefur hvorki verið hægt að senda né fá frá okkur tölvupóst. Unnið er að viðgerðum og vonumst við til þess að póstkerfið komist í lag á næstu klukkustundum.

Páskaegg

Fri, 27 Feb 2026 12:01:00 +0000

Team Rynkeby er einstakt hjólalið sem hjólar frá Danmörku til Parísar á 7 dögum og safnar styrkjum fyrir Umhyggju.

Opið fyrir umsóknir um orlofshús í sumar

Thu, 12 Feb 2026 09:15:00 +0000

Nú hefur verið opnað fyrir umsóknir um orlofshús Umhyggju í Brekkuskógi og Vaðlaborgum í sumar. Um er að ræða tímabilið 29. maí til 28. ágúst og eru húsin leigð út í viku í senn, frá föstudegi til föstudags.

Hvíldardagar í Borgarnesi fyrir foreldra langveikra barna

Tue, 27 Jan 2026 11:36:00 +0000

Ertu foreldri langveiks barns með miklar stuðningsþarfir? Þarftu að komast í „hvíldarinnlögn“? Foreldrar langveikra barna geta nú aftur fram á vor 2026 sótt um 2ja nátta gistingu í vel útbúinni og uppábúinni íbúð í Borgarnesi sér að kostnaðarlausu. Um er að ræða einstakt framlag velunnara félagsins til foreldra langveikra barna innan Umhyggju og aðildarfélaga og fer umsóknarferlið í gegnum skrifstofu Umhyggju. Dvölin er eingöngu ætluð til hvíldar fyrir foreldra og því ekki gert ráð fyrir að börn komi með.

Opið fyrir umsókn um orlofshús um páska

Tue, 06 Jan 2026 13:15:00 +0000

Athugið: Umsóknarfrestur er liðinn. Nú hefur verið opnað fyrir umsóknir um orlofshús Umhyggju í Brekkuskógi og Vaðlaborgum um páskana. Úthlutunartímabilið skiptist í tvennt, annars vegar frá 27. mars til 1. apríl (föstudegi fyrir Pálmasunnudag til miðvikudags í Dymbilviku) og hins vegar 1. apríl til 6. apríl (miðvikudegi í Dymbilviku til annars í páskum). Umsóknarfrestur er til 15. janúar og niðurstöður úthlutunar munu liggja fyrir í kringum 10. febrúar.

Lokað vegna veikinda

Mon, 05 Jan 2026 10:16:00 +0000

Skrifstofa Umhyggju er lokuð í dag, mánudaginn 5. janúar vegna veikinda starfsfólks. Hægt er að senda tölvupóst á umhyggja@umhyggja.is og verður honum svarað við fyrsta tækifæri.

Gleðilega hátíð

Fri, 19 Dec 2025 10:53:00 +0000

Umhyggja - félag langveikra barna óskar ykkur gleðilegrar hátíðar með von um gott og gjöfult nýtt ár. Við þökkum ykkur öllum samfylgdina og stuðninginn á árinu sem er að líða. Skrifstofa félagsins verður lokuð frá hádegi 20. desember og opnar á ný fimmtudaginn 2. janúar.

Ævintýri í Jólaskógi með bættu aðgengi

Wed, 03 Dec 2025 11:02:00 +0000

Þann 10. næstkomandi stendur Umhyggja í þriðja skipti fyrir sérstökum sýningum á Ævintýri í Jólaskógi með bættu aðgengi, nú í samstarfi við Sjónarhól, Þroskahjálp, ÖBÍ og Gló stuðningsfélag. Sýningin hentar öllum sem þurfa bætt aðgengi, hvort sem um er að ræða börn eða fullorðna.

Heimsókn og styrkur frá Kaupmannsamtökum Íslands

Wed, 12 Nov 2025 11:45:00 +0000

Á dögunum fengum við afar ánægjulega heimsókn á skrifstofu Umhyggju, þegar þeir Júlíus Þ. Jónsson, Ólafur Björnsson og Ásgeir Ásgeirsson litu við. Þeir eru félagar í Kaupmannasamtökum Íslands, en félagið styrkti Umhyggju í sumar með kaupum á ýmsum búnaði fyrir orlofshús og íbúð félagsins fyrir alls 814.225 þúsund krónur.

Sólblómabandið hjá Umhyggju

Fri, 07 Nov 2025 10:54:00 +0000

Það gleður okkur að segja frá því að Sólblómabandið er nú fáanlegt hjá Umhyggju - félagi langveikra barna. Sólblómabandið er ætlað fólki með ósýnilega fötlun, sjúkdóma eða skerðingar. Sá sem ber bandið gefur á látlausan hátt til kynna að hann þurfi mögulega á skilningi, aðstoð og sveigjanleika að halda t.d. í samgöngum, á fjölförnum stöðum, í vinnu eða verslunum. Með sólblómabandinu má auka skilning og tillitssemi annarra í umhverfinu í garð þess sem ber bandið.

Vel heppnað málþing að baki

Wed, 05 Nov 2025 16:27:00 +0000

Mánudaginn 3. nóvember fór fram málþing Umhyggju sem bar nafnið Fjórða vaktin – álag og örmögnun. Var kastljósinu beint að því álagi og stundum örmögnun sem foreldrar langveikra og fatlaðra barna upplifa gjarnan. Fyrirlesarar úr hópi foreldra og fagfólks tóku til máls en gestir málþingsins voru yfir 400, bæði fjöldi foreldra og einnig fagaðilar úr ýmsum áttum innan heilbrigðis-, félags- og menntageirans.

Málþing - beint streymi

Mon, 03 Nov 2025 10:22:00 +0000

Streymi hefst kl. 12:20 og þingsetning er 12:30.

Team Rynkeby afhendir styrktarfé

Wed, 22 Oct 2025 15:26:00 +0000

Á dögunum fór fram uppskeruhátíð Team Rynkeby á Íslandi en þá afhenti liðið Umhyggju það fé sem safnast hafði hjólaárið 2024-2025, alls kr. 33.123.081.

Málþing 3. nóvember næstkomandi: Fjórða vaktin - álag og örmögnun

Mon, 13 Oct 2025 15:40:00 +0000

Mánudaginn 3. nóvember næstkomandi mun Umhyggja standa fyrir málþingi um álag og örmögnun foreldra/umönnunaraðila langveikra og fatlaðra barna sem standa hina svokölluðu „fjórðu vakt“ alla daga í umönnun barna sinna. Málþingið verður haldið á Hótel Hilton Nordica milli 12 og 16 og munu bæði fagaðilar og foreldrar taka til máls.

Opið fyrir umsóknir um orlofshús um jól og áramót

Tue, 07 Oct 2025 09:29:00 +0000

Nú hefur verið opnað fyrir umsóknir um orlofshús Umhyggju í Brekkuskógi og Vaðlaborgum yfir jól og áramót 2025. Umsóknarfrestur rennur út 20. október og verða allar umsóknir teknar í úthlutunarferli eftir þann tíma. Niðurstöðu úthlutunar er að vænta í kringum 30. október.

Söfnun Umhyggjusamra einstaklinga

Fri, 19 Sep 2025 08:50:00 +0000

Umhyggjusamir einstaklingar eru bakhjarlar okkar hjá Styrktarsjóði Umhyggju, en markmið sjóðsins er að styðja fjárhagslega við foreldra langveikra barna. Við erum innilega þakklát þeim þúsundum Íslendinga sem styðja mánaðarlega við sjóðinn og gera okkur kleift að veita tugum milljóna í beinum fjárstuðningi til foreldra langveikra barna á hverju ári. Við viljum vekja athygli á því að þessa dagana er átak í gangi á Akureyri þar sem verið er að safna Umhyggjusömum einstaklingum. Starfsmennirnir eru með nafnspjöld og ættu að vera vel merktir Umhyggju.

Frábærlega heppnaður Umhyggjudagur

Wed, 03 Sep 2025 13:57:00 +0000

Sunnudaginn 31.ágúst síðastliðinn var Umhyggjudagurinn haldinn hátíðlegur í annað sinn. Hátíðahöldin fóru fram í Fjölskyldu- og húsdýragarðinum á einum fallegasta degi sumarsins og tóku mörg þúsund gestir þátt í fjörinu. Allar fjölskyldur voru boðnar velkomnar og fengu allir sem skráðu sig til leiks frítt inn í garðinn á milli 12 og 16, auk þess sem boðið var upp á veitingar og skemmtiatriði.