6. bekkur Garðaskóla í Garði hélt hlutaveltu til styrktar langveikum börnum

2.6.2004

Okkur er málið skylt, þar sem einn bekkjarfélaganna er fjölfatlaður, einn á litla systur sem er langveik og annar á litla frænku sem er fjölfötluð.
Skilningur á málefninu er því mikill. Nemendur fóru tveir og tveir saman um Garðinn og söfnuðu munum. Þeim var alls staðar vel tekið og söfnuðust rúmlega 300 munir, margir mjög veglegir. Allir miðarnir seldust og var ágóðinn kr. 16.800 lagður inn á reikning Umhyggju. Það er ósk okkar að þessi litla gjöf komi að góðum notum fyrir þau börn sem Umhyggja stendur að. Með sumarkveðju frá 6. bekk KK

              Kristjana H. Kjartansdóttir og Unnur G. Knútsdóttir
              kennarar 6. bekkjar Gerðaskóla Garði

Umhyggja þakkar kærlega fyrir þetta frábæra framtak og óskar öllum krökkunum í Garði gleðilegs sumars.