Gleðileg jól! - 24. des. 2010

Jólasveinn og snjókallUmhyggja óskar öllum börnum og fjölskyldum þeirra, samstarfsfólki og félögum og fjölskyldum þeirra, gleðilegra jóla með kæru þakklæti fyrir allt á árinu sem er að líða. Megið þið hafa það sem allra best um hátíðarnar. Lesa meira

Viðskiptaráð Íslands leggur Umhyggju lið - 24. des. 2010

Viðskiptaráð Íslands ákvað í ár að styrkja Umhyggju um sömu upphæð og varið hefur verið í að senda jólakort, 30.000 kr. Að sögn Finns Oddssonar, framkvæmdastjóra VIðskiptaráðs, er hér um táknrænan stuðning við hið góða starf Umhyggju að ræða og kann félagið Viðskiptaráði bestu þakkir fyrir.

Lesa meira

Baukur til styrktar Umhyggju hjá Eimskipum - 23. des. 2010

EimskipUmhyggja tekur á móti mörgum góðum gjöfum og framlögum um þessar mundir, en greinilegt er að margir vilja láta gott af sér leiða um jólaleytið. Meðal þeirra sem styrkt hafa Umhyggju að undanförnu eru starfsmenn Eimskipa, sem í stað þess að gefa hvort öðru litla pakka létu bauk til styrktar Umhyggja ganga og voru framlögin í hann frjáls. Fyrirtækið sjálft, Eimskip, lagði síðan framlög á móti.

Á meðfylgjandi mynd má sjá Rögnu K. Marinósdóttur taka við styrknum af Gunnari Ragnarssyni og Eiríki Guðmundssyni, starfsmönnum Eimskipa.

Lesa meira

Fyrsta úthlutun úr Líknarsjóði Ögnu og Halldórs Jónssonar - 23. des. 2010

Liknarsjodur_ognu_og_HalldorsFyrsta úthlutun úr Líknarsjóði Ögnu og Halldórs Jónssonar fór fram 8. desember síðastliðinn en þá var félögum og verkefnum tengdum börnum veittir styrkir samtals að upphæð 30 milljóna króna. Umhyggja var meðal þeirra félaga sem fengu úthlutað hæsta styrknum úr sjóðnum úr þessari fyrstu úthlutun og kann félagið sjóðnum hinar bestu þakkir fyrir veglegt framlag. Myndin hér til hægri var tekin við afhendingu styrksins. Lesa meira

Jólakort Umhyggju 2010 komin í sölu - 10. des. 2010

Jolakort_2010Jólakort Umhyggju árið 2010 er komið út. Að þessu sinni er listamaðurinn sem á heiður að kortinu hin tíu ára gamla Alexandra Ösp Snæbjörnsdóttir. Kortin eru til sölu á skrifstofu Umhyggju í síma 552-4242, og kostar pakki með 25 kortum 3.500 kr., en einnig er hægt að kaupa færri kort í einu. Lesa meira

Vel heppnað afmælismálþing - 1. des. 2010

_MG_6888Umhyggja, félag langveikra barna, fagnaði þrjátíu ára afmæli sínu með vel heppnaðri ráðstefnu á Grand hóteli mánudaginn 25. október síðastliðinn, þar sem fjallað var um stöðuna í heilbrigðisþjónustu langveikra barna. Yfirskrift þingsins var „Hver á þá að lækna mig?“ þar sem horft var fram til ársins 2015 og þeirri spurningu varpað fram hvernig þjónusta við langveik börn yrði þá, eins og staðan er í dag. „Þetta snýst ekki um það að mikill vilji meira, heldur hvort við erum í þeirri stöðu að við getum ekki einu sinni haldið því sem við höfum. Þurfum við að bakka um tíu ár?“ sagði Leifur Bárðarson, formaður stjórnar Umhyggju í samtali við Morgunblaðið að þinginu loknu.

Lesa meira

Myndir frá málþinginu Hver á þá að lækna mig? - 30. nóv. 2010

Hér fyrir neðan gefur að líta myndir frá málþinginu Hver á þá að lækna mig?, sem haldið var á Grand hóteli í Reykjavík mánudaginn 25. október 2010.

Lesa meira

Dagskrá málþingsins Hver á þá að lækna mig? - 20. okt. 2010

Dagskrá málþingsins Hver á þá að lækna mig?, sem fram fer á Grand Hótel Reykjavík næstkomandi mánudag í tilefni af þrjátíu ára afmæli Umhyggju, fylgir hér á eftir: Lesa meira