Góðgerðarleikur til styrktar Umhyggju og Firði, íþróttafélags fatlaðra í Hafnarfirði - 22. jún. 2009

Leikurinn fór fram 18. júní á Leiknisvelli og var liður í VISA-bikarkeppninni í fótbolta. Þar áttust við IFC Carl, sem samanstendur af gömlum kempum úr boltanum, og Íslandsmeistarar FH.

Lesa meira

N1 styrkir Umhyggju vegna mistaka við innheimtu bensínskatta - 10. jún. 2009

Í tilkynningu frá N1 segir: "Fyrir 10 dögum var lögum um vörugjald breytt á Alþingi. Fjármálaráðuneytið upplýsti söluaðila um þessi áform eftir lokun skrifstofu þann 28. maí. Að venju var brugðist skjótt við og um leið og lögin höfðu öðlast gildi var verði breytt til samræmis við nýja reglugerð. Nokkrum dögum síðar taldi Tollstjóraembættið að ekki ætti að leggja hærra vörugjald á þær birgðir sem fyrir væru í landinu. Fjármálaráðuneytið gat ekki staðfest þennan skilning fyrr en klukkan 14:00 í gær, 9. júní, og þá var ljóst að allir eldsneytissalar landsins höfðu í nokkra daga innheimt hærri bensínskatt en lög gerðu ráð fyrir. Við lækkuðum verð okkar um leið og þessi niðurstaða lá fyrir.

N1 hefur því innheimt um það bil 9 milljónir króna í bensínskatt sem fjármálaráðuneytið mun ekki taka við af fyrrgreindum orsökum. Þessa fjármuni höfum við ákveðið að gefa til góðra málefna. Í dag munum við styrkja Mæðrastyrksnefnd, Fjölskylduhjálp Íslands, Umhyggju og Hagsmunasamtök heimilinna.

Lesa meira

Páll Óskar gefur langveikum börnum 400 eintök af Silfursafninu - 2. jún. 2009

Páll Óskar hefur afhent Umhyggju öll óseld eintök af Silfursafninu að gjöf. Það er áritaður diskur/albúm af listamanninum sjálfum. Þetta eru tveir geisladiskar og DVD diskur með ýmsu efni. Páll Óskar ákvað að langveik börn á Íslandi ættu að njóta tónlistar hans og ákvað því að gefa Umhyggju 400 diska. Í tilefni af þessu komu bæði Páll Óskar og Monika í heimsókn á leikstofuna á Barnaspítala Hringsins og sungu nokkur lög fyrir inniliggjandi börn við mikinn fögnuð viðstaddra. Öllum félagsmönnum aðildarfélaga Umhyggju er því hér með boðið að eignast diskinn á meðan birgðir endast. Til að nálgast diskana er best að hafa samband við skrifstofu Umhyggju í tölvupósti umhyggja@umhyggja.is Lesa meira