Systkini fatlaðra og langveikra barna - spennandi og fróðlegt námskeið, föstudaginn 16. nóvember - 17. okt. 2007

Don Meyer mun halda námskeið um systkini fatlaðra og langveikra barna í Skriðu, KHÍ, 16. nóvember á vegum Umhyggju í samstarfi við Systkinasmiðjuna, Kennaraháskóla Íslands, Barnaspítala Hringsins og Greiningar- og ráðgjafarstöð ríkisins. Lesa meira

Umhyggja á Menningarnótt - 20. ágú. 2007

Metþátttaka var í Reykjavíkurmaraþoni Glitnis á laugardaginn. Það voru því fjölmargir sem hlupu til góðs í einstöku veðri og lögðu sitt af mörkum til styrktar góðgerðarmálum. Margir völdu að styrkja Umhyggju eða tiltekin aðildarfélög og kunnum við þessu fólki, stuðningsmönnum þeirra og Glitni banka hf. bestu þakkir fyrir veittan stuðning í verki.

En það voru fleiri uppákomur á menningarnótt sem tengdust Umhyggju beint.

Lesa meira

Hlaupa í þágu Umhyggju í Reykjavíkurmaraþoni Glitnis - 15. ágú. 2007

Á laugardaginn 18. ágúst næstkomandi fer fram Reykjavíkurmaraþon Glitnis. Þeir sem taka þátt geta valið að hlaupa í þágu góðgerðafélaga. Glitnir ætlar að greiða 3.000 kr. fyrir hvern kílómetra sem starfsmenn bankans hlaupa og 500 kr. fyrir hvern kílómetra sem viðskiptavinir bankans hlaupa. Þá er einnig hægt að heita á hlauparann og leggja góðu málefni lið. Umhyggja hvetur ykkur eindregið til að heita á hlaupara sem hlaupa í þágu okkar félags á marathon.is.

Lesa meira

Umhyggja fær góða gjöf frá starfsmannafélagi Miklagarðs (áður KRON) - 14. ágú. 2007

Styrktarfélag krabbameinssjúkra barna (SKB) og Umhyggja – félag til stuðings langveikum börnum fengu myndarlegan stuðning í dag þegar fulltrúar starfsmannafélags Miklagarðs afhentu félögunum ávísanir að upphæð kr. 2.620.143 hvoru félagi. Féð kemur til úr uppgjöri starfsmannafélags Miklagarðs (áður starfsmannafélag KRON) en þegar félagið var lagt niður átti það sumarbústað við Bifröst í Borgarfirði sem var seldur og ákváðu starfsmennirnir að leggja féð til góðra mála og urðu SKB og Umhyggja fyrir valinu.

Lesa meira

Hólabrekkuskóli heldur fjáröflunarkvöld til styrktar Umhyggju - 7. jún. 2007

Fimmtudaginn 16. mars var haldið fjáröflunarkvöld í hátíðarsal Hólabrekkuskóla. Listasmiðja Hólabrekkuskóla stóð fyrir skemmtuninni sem haldin var til styrktar langveikum börnum. Efnisdagskrá var afar fjölbreytt og má t.d. nefna tískusýningu, dans, söngatriði og happdrætti. Nemendur hönnuðu sín eigin skemmtiatriði en að auki lögðu landsþekktir söngvarar sitt til málanna og komu frítt fram á sýningunni.

Lesa meira

Spánarsól.is styrkir Umhyggju - 18. apr. 2007

Spánarsól.is og Umhyggja, félag langveikra barna og foreldra þeirra hafa undirritað samning sem felur í sér að félagsmenn Umhyggju og aðildarfélaga þess gefst kostur á að leigja hús Spánarsólar.is allt að 8 mánuði á ári á sérkjörum. Spánarsól.is býður upp á tvö falleg hús til leigu í Dona Pepa á Spáni rétt hjá Torreveja. Markmiðið með þessum samningi er að gera foreldrum og börnum þeirra auðveldara fyrir að fara í frí með því að geta átt kost á ódýrri gistingu í lúxushúsnæði.

Lesa meira

Te og kaffi selja verðmætasta kaffi í heimi til styrktar langveikum börnum - 25. mar. 2007

Te og kaffi hafa flutt inn 20 kíló af Luwak kattakaffi, einni sjaldgæfustu og verðmætustu kaffitegund í heimi. Meðan birgðir endast verður Luwak kaffið selt á Te og kaffi kaffihúsunum til styrktar Umhyggju, félagi aðstandenda langveikra barna. Hver bolli kostar 690 krónur og rennur allur ágóði til félagsins.

Lesa meira

Könnun um vef fyrir sjúklinga og aðstandendur - 24. mar. 2007

Landspítali - háskólasjúkrahús (LSH) stefnir að því að koma upp gagnvirkum vef fyrir sjúklinga og aðstandendur sem nýta má til upplýsingamiðlunar og samskipta. Fyrir dyrum stendur endurnýjun innri og ytri vef LSH, og var markmiða- og þarfagreining fyrir hann unnin árið 2006. Þar voru lagðar línur fyrir aukin rafræn samskipti sjúklinga og spítalans með því að nýta vefinn á gagnvirkan hátt.

Lesa meira