Fréttir

Í dag fengum við ánægjulega heimsókn frá slökkviliðismönnum sem færðu Umhyggju tvo dásamlega hægindastóla í jólagjöf sem munu fara í orlofshús Umhyggju í Brekkuskógi og Vaðlborgum. Um er að ræða hluta ágóða af sölu hins margrómaða dagatals slökkviliðsmanna sem er liður í fjármögnun vegna ferðar þeirra á heimsleika slökkviliðismanna.

Í dag komu starfsmenn frá Elko færandi hendi með þrjár Nintendo Switch leikjatölvur, auk aukahluta og fjölskylduvænna leikja. Mun þetta framvegis gleðja unga sem aldna gesti orlofshúsa Umhyggju í Brekkuskógi og Vaðlaborgum, sem og í íbúð félagsins í Kuggavogi.

Þá er Umhyggjublað ársins 2021 komið út og er það aðgengilegt öllum hér á netinu.

Fyrr í mánuðinum sendi Umhyggja frá sér áskorun til félagsmálaráðherra þess efnis að foreldrar langveikra og fatlaðra barna sem þiggja foreldragreiðslur fengju desemberuppbót. Þetta er fimmta árið í röð sem félagið sendir slíka áskorun frá sér og hafa þær allar borið árangur.

Umhyggja sendi um helgina frá sér áskorun þar sem skorað er á stjórnvöld að tryggja foreldrum langveikra og fatlaðra barna sem eru á foreldragreiðslum desemberuppbót. Umhyggja hefur undanfarin fjögur ár sent frá sér sambærilega áskorun og hefur hún borið árangur í öll skiptin. Það er því von okkar að svo verði einnig nú og að sama skapi að tryggt verði að desemberuppbót til þessa hóps verði í framtíðinni regla frekar en undantekning.

Vantar þig eitthvað í jólapakkann, jólavinaleikinn, til viðskiptavina eða fjölskyldu og ættingja sem er bæði ljúffengt á bragðið og styrkir um leið gott málefni? Nú fyrir jólin stendur Team Rynkeby Ísland fyrir sölu á gómsætri konfekttvennu frá Nóa og Síríus og rennur allur ágóði óskertur til söfnunarinnar fyrir Umhyggju – félag langveikra barna.

Team Rynkeby á Íslandi er komið í samstarf við Umhyggju - félag langveikra barna, en um er að ræða árlegan viðburð og fjáröflun þar sem lið frá mörgum löndum hjóla í þágu barna með langvinna sjúkdóma frá Danmörku til Parísar.

Stórtónleikar Lionsklúbbsins Fjörgyn sem halda átti í Grafarvogskirkju fimmtudaginn 11. nóvember hefur verið aflýst þetta árið vegna stöðu Covid-19 í samfélaginu. Við hlökkum til þess dags sem tónleikarnir geta orðið að veruleika.

Þann 11. nóvember næstkomandi kl.20:00 stendur Lionsklúbburinn Fjörgyn fyrir stórtónleikum til styrktar Umhyggju og BUGL. Einvala lið listamanna mun troða upp og allur ágóði rennur til málefnanna.

Nú er orðið fullt í Systkinasmiðjuna dagana 5. - 7. nóvember, en námskeiðið fer fram á Háaleitisbraut 13, 4. hæð. Systkinasmiðjan er ætluð 8 til 14 ára systkinum langveikra barna og er að mestu niðurgreitt af Umhyggju, en kostnaður sem fellur á þátttakanda er kr.3500.